Préstamo de libros electrónicos eBiblio Galicia

Preguntas frecuentes

INFORMACIóN XERAL

P: Esquecín o meu contrasinal

R: Poderás recuperar o teu contrasinal en http://rexistro.galiciale.gal/cgi-bin/account-remember.pl introducindo o teu número de usuario de GaliciaLe. Se estás en posesión do DNI, debes introducir este sen a letra final. Se non tes DNI, é preciso que escribas o número de usuario que recibiches no correo de benvida a GaliciaLe. Se non lembras o teu número de usuario nin conservas este correo de benvida, debes dirixirte a túa biblioteca.


P: Desde qué dispositivos podo ler os libros electrónicos que tomei en préstamo?

R: Existe unha gran variedade de dispositivos desde os que se poden tomar en préstamo libros electrónicosl. Algúns dos dispositivos válidos son:

  • Calquera dispositivo Android.
  • Chromeebook.
  • ereaders tales como Sony® Reader, Barnes & Noble NOOKT y Kobo eReader.
  • iPhone®, iPad®, and iPod® touch.
  • Ordenadores persoais (Windows e MACs).

P: Que é ler en streaming (NubeReader)?

R: É a lectura en liña desde calquera dispositivo. A aplicación dispón dun menú con diversas opcións que permite o acceso aos distintos capítulos do libro, realizar procuras dentro do libro electrónico, subliñar, tomar notas ou utilizar os marcapáxinas, adaptar a lectura as túas preferencias co aumento do tamaño da letra, o cambio do interliñaxe, a modificación do tipo de fonte ou a cor do fondo.


P: Que significa 'dispoñible en Streaming'?

R: Dispoñible en Streaming significa poder visualizar o libro electrónico, audio ou vídeo directamente desde a internet, sen necesidade de descargalo previamente ao dispositivo de lectura.


P: Existen aplicacións móbiles para a lectura?

R: Si, existen. As aplicacións están dispoñibles para dispositivos Android e iOS. Ademais destas aplicacións, podes gozar da lectura se utiliza Adobe Digital Editions, previamente instalada no teu dispositivo, ou empregando NubeReader.


P: Necesito a miña ID de Adobe para acceder á aplicación móbil de eBiblio?

R: Non, non cómpre. Escolle a túa comunidade do despregable da pantalla inicial e insire o usuario e o contrasinal co que accedes á túa plataforma de préstamo de contido dixital.


P: Poden utilizar varias persoas a mesma APP de lectura no mesmo dispositivo?

R: Unha vez instalada, a APP de lectura queda asociada a un usuario. De modo que para acceder a unha conta diferente, cómpre desenlazar o dispositivo e volver introducir os novos datos de acceso para asociar a APP a unha conta distinta.


P: Para que serve o botón vista previa?

R: O botón vista previa dalgúns recursos permíteche visualizar parte do contido do libro antes de tomalo prestado.


P: Que significa descarga en DRM?

R: DRM é o acrónimo de Digital Rights Management, ou xestión de dereitos dixitais en galego. DRM é un sistema de xestión de dereitos dixitais que permite protexer o libro contra a copia e a redistribución non autorizada, para o obxecto de preservar os dereitos das persoas autoras e das editoras.


P: Podo ler o mesmo libro desde diferentes dispositivos de lectura?

R: Si. A plataforma permite sincronizar todos os dispositivos que teñan instalada a aplicación de eBiblio e así ter o mesmo libro en diferentes dispositivos. No caso de non ter instalada a aplicación, Adobe Digital Editions permite tamén a sincronización con outros dispositivos de lectura.


P: Poden acceder os usuarios con carné infantil aos contidos para adultos?

R: Non. Os usuarios con carné infantil e que inician sesión para tomar libros en préstamo, só poden acceder aos contidos categorizados en Infantil, non terán acceso aos contidos para adultos.

PRÉSTAMOS E DEVOLUCIóNS

P: Cantos libros electrónicos podo solicitar en préstamo ao mesmo tempo?

R: O número máximo de títulos que se permite ter en préstamo é 2.


P: Por canto tempo se prestan os libros electrónicos?

R: O período de préstamo xeral é de 21 días. Podes saber cando remata o prazo dos teus préstamos se accedes a Préstamos en liña da túa área persoal e visualizas o apartado Finaliza.


P: Podo renovar un libro electrónico?

R: Non. O usuario non pode renovar ningún préstamo


P: Como podo saber en que formato podo tomar en préstamo un título que está dispoñible?

R: No apartado Dispoñible da túa ficha descritiva, podes atopar a modalidade de préstamo do título.


P: Podo devolver un libro electrónico antes de que venza o período de préstamo?

R: Si. Se desexas devolver un documento antes de que expire a data de vencemento do préstamo, poderás facelo no caso dos eBooks descargados utilizando o botón Devolver préstamo da app de eBiblio (en dispositivos móbiles como tablets ou teléfonos) ou a través de Adobe Digital Editions (en PC ou Mac) e no caso dos libros en Streaming, desde o botón Devolver dentro da área de usuario. Ten en conta que existe unha limitación de 15 devolucións anticipadas por usuario e mes.

RESERVAS

P: Cantos títulos podo reservar?

R: O número máximo de títulos que podes reservar é 2.


P: Unha vez que o título que se reservou estea xa dispoñible para o préstamo, canto tempo teño para solicitalo antes de que pase a outro usuario ou á colección?

R: Unha vez que estea dispoñible para solicitar en préstamo o libro polo cal estás na lista de espera, recibirás un e-mail para avisar de que se atopa dispoñible. Se pasan 48 horas desde que recibiches o e-mail e non o colles en préstamo, este volverá á colección de libros dispoñibles para que outros usuarios poidan pedilo prestado.


P: Non recibo mensaxes de correo de aviso de reservas

R: Comproba a túa caixa de correo electrónico non desexado e a configuración de filtro deste, xa que os avisos de reserva poderían ser tratados erroneamente como correo non desexado e, a consecuencia diso, poderías perder a súa reserva.


P: Podo cancelar algún título dos que solicitei en reserva?

R: Si. Desde o apartado Reservas da túa área persoal localiza o título que desexas cancelar e preme sobre a icona da papeleira do apartado Eliminar. A reserva cancelarase automaticamente.

PARTICIPACIóN DE USUARIOS


P: Podo votar cantas veces queira o mesmo libro?

R: Non, non se pode. Podes votar todos os libros que queiras dos dispoñibles no catálogo, pero cada libro só podes votalo unha vez.


P: Podo compartir a miña lectura nas redes sociais?

R: Si. Existe unha sección na columna da dereita da ficha descritiva con distintas iconas de redes sociais para compartir a lectura.

ADOBE DIGITAL EDITIONS

No apartado "Instalación de Adobe" atoparás a información detallada para realizar a instalación de Adobe Digital Editions e obter a conta ID de Adobe.


P: Como desautorizo a miña conta de Adobe Digital Editions?

R: Para desautorizar a túa conta de Adobe Digital Editions debes seguir os seguintes pasos:

Mac Os
  • Abre Adobe Digital Editions.
  • Preme a seguinte combinación de teclas Comando - Shift - D para desautorizar Adobe Digital Editions.
  • Preme o botón Borrar autorización.
  • Abre de novo Adobe Digital Editions e selecciona Autorizar a miña Conta do Menú Axuda.
  • Introduce o teu ID e o contrasinal de Adobe.
  • Volve descargar o libro.
Windows
  • Abre Adobe Digital Editions.
  • Preme a seguinte combinación de teclas Ctrl - Shift - D para desautorizar Adobe Digital Editions.
  • Preme o botón Borrar autorización.
  • Abre de novo Adobe Digital Editions e selecciona Autorizar a miña conta do menú Axuda.
  • Introduce o teu ID e o contrasinal de Adobe.
  • Volve descargar o libro.

P: Non atopp o arquivo do libro electrónico tras descargalo.

R: Ao descargar un libro electrónico desde a plataforma da túa biblioteca, o sistema xera un ficheiro .acsm que debe abrirse con Adobe Digital Editions. Localiza o ficheiro na carpeta de descargas que teñas establecida no navegador e preme dúas veces sobre el. Automaticamente abrirase Adobe Digital Editions.


P: Descargo un libro e, ao abrilo con Adobe Digital Editions, aparece o seguinte erro E_LIC_ALREADY_FULFILLED_BY_ANOTHER_USER.

R: Este erro aparece porque a conta coa que estás intentando visualizar o libro non é a correcta. Debes desautorizar esta conta e autorizar Adobe Digital Editions co teu ID de Adobe.


P: Descargo un libro para o meu dispositivo e, ao abrilo con Adobe Digital Editions, aparece o seguinte erro "Clave de licenza estragada".

R: Para emendar este erro debes desautorizar a conta de Adobe do teu equipo e volvela autorizar.


P: Cando tomo prestado un libro para visualizalo con Adobe Digital Editions desde o meu dispositivo de lectura aparece o erro "Error check activation".

R: Este problema soluciónase se desautorizas a túa conta de Adobe do dispositivo que estás a empregar e vólvela autorizar.


P: Quero devolver un libro electrónico desde Adobe Digital Editions e aparece o erro E_BAD_LOAN_ID.

R: Ás veces existen problemas de comunicación co servidor de Licenzas de Adobe á hora de facer a devolución dun préstamo. O libro devolveuse correctamente, pero non se borrou da túa biblioteca. O único que debes facer é seleccionar o libro da biblioteca de Adobe Digital Editions e eliminalo.


P: Tomo en préstamo un libro electrónico para o visualizar con Adobe Digital Editions e aparece o erro E_ ACT_NOT_READY.

R: Esta mensaxe aparece cando existe un erro de autorización na conta de Adobe Digital Editions que estás empregando. Para ler o libro necesitas desautorizar a conta e autorizala de novo co teu ID de Adobe.


P: Descarguei un libro e non o podo visualizar en Adobe Digital Editions.

R: Isto sucede porque, para visualizar o libro electrónico, debes introducir o teu ID de Adobe en Adobe Digital Editions.


P: Quero visualizar un libro electrónico desde Adobe Digital Editions e aparece unha ventá coa seguinte mensaxe E_ADEPT_REQUEST_EXPIRED.

R: Para visualizar o libro, comproba que a hora e a data do teu dispositivo sexan correctas.


P: Tomei en préstamo un libro electrónico para visualizar con Adobe Digital Editions e aparece o erro E_AUTH_NO_AUTH_RESP.

R: Este erro aparece cando Adobe non autorizou correctamente a túa conta cando te estabas dando de alta. Debes pórte en contacto con eles para verificar o motivo polo cal non se autorizou.


P: Quero visualizar o libro electrónico que tomei en préstamo, pero aparece o erro E_ADEPT_NO_TOKEN cando o abro con Adobe Digital Editions.

R: Este problema dáse cando ocorre un erro na descarga do ficheiro urllink.acsm. Elimínao do teu dispositivo e volve descargalo.


P: Adobe Digital Editions non recoñece o meu ereader.

R: Os libros electrónicos que eBiblio Galicia ofrece en préstamo están protexidos polo sistema para a xestión de dereitos dixitais Adobe DRM. Por iso cómpre que o ereader sexa compatible con ese sistema. No caso de que Adobe Digital Editions non recoñeza o teu ereader, pode deberse ás seguintes causas:

O dispositivo non é compatible con Adobe DRM:

  1. Comproba na documentación do fabricante se o dispositivo é compatible con Adobe DRM.
  2. Na web de Adobe podes consultar unha lista de dispositivos compatibles con Adobe DRM.
  3. Os dispositivos Kindle de Amazon non son compatibles con Adobe DRM.

O dispositivo é compatible con Adobe DRM, pero non é compatible co programa Adobe Digital Editions. Algúns fabricantes ofrecen programas ou métodos alternativos para algúns dos seus modelos:

  1. O modelo PRS-T1 de Sony debe utilizar o programa "Reader" de Sony en vez do programa Adobe Digital Editions.
  2. Os modelos PRS-T2 e PRS- T3 de Sony permiten introducir a información da túa conta Adobe ID no dispositivo, de modo que é posible descargar os libros directamente de eBiblio Galicia desde o navegador do dispositivo.

O dispositivo é compatible con Adobe DRM e Adobe Digital Editions, pero non se conectou correctamente co ordenador persoal:

  1. Segue as instrucións do fabricante do dispositivo para conectalo correctamente co ordenador persoal.